fröken maría

eyra

2009-04-01T14:19:00.000-07:00

2009-01-19T08:42:00.001-08:00

bloggiddíblogg
bloggbloggblogg

2008-05-02T14:34:00.000-07:00

Í dag ákvað ég að verðlauna mig fyrir að vera einhleyp. Já, það þarf ekki alltaf að vera leiðinlegt að vera einhleypur... ekki ef maður er bara nógu duglegur að gefa sér verðlaun. Ég fór semsagt yfir í Smekkleysu og keypti mér fjóra dýrðlega geisladiska og fékk mér síðan pad thai. Í dag fékk ég líka blóm í vinnunni, eina rauða rós af því að ég er svo sæt. Það var gaman en líka alveg ótrúlega vandræðalegt.

Á morgun er síðan stór dagur. Ég og Dagbjört erum að fara að skoða íbúð í Vesturbænum, réttara sagt íbúðina við hliðina á herra og frú Aagestad og ég hlakka mikið til. Ég frétti það í gær að þessi íbúð væri að losna og í rauðvínsvímu hljómaði þetta allt saman stórkostlega. Svo nú erum við að fara á morgun til að ákveða hvort við ætlum loksins að verða stórar og flytja að heiman. Að sjálfsögðu verður þetta ótrúlega fansí ef að úr þessu verður og ætlum við Helena að vera duglegar að drekka rauðvín og horfa mikið á Sex and the City.

Nú ætla ég að fara að sofa á hörðum sófa með flísteppi og hávaðasaman ískáp mér við hlið. Ekki slæmur félagsskapur það. Svo á morgun er ég að fara í afmæli og það verður brjálað partei.

2008-04-03T12:35:00.001-07:00

Oj ég hef aldrei neitt að blogga um því að ég geri aldrei neitt nema vinna. Það eru samt alltaf að koma geggjað miklir celebar að kaupa kaffi hjá mér og það er geeeðveikt gaman sjitt hvað það er gaman!!

Í gær keypti ég með ógeðslega sexý, bleik hórunærföt. Ég ætla nefnilega að verða hóra. Ég nenni ekki að búa til kaffi lengur!

Í gær borgaði ég niður vísað mitt. Það var nú gaman.

Og hananú. Andleysi mitt er algjört og ég get ekkert skrifað.
Áðan keypti ég mér samt bláa strigaskó og ég er hætt að drekka mjólk og drekk bara sojamjólk.
Þetta eru helstu fréttirnar úr mínu lífi.

Nú er ég farin að taka til í hergerbinu mínu.

2008-03-24T16:30:00.001-07:00

Ég er orðin sjúk í að fara í leikhús. Það er svo ótrúlega langt síðan ég hef farið í leikhús að ég man ekki einu sinni eftir því. Jobbi er reyndar búinn að ætla að panta miða á Jesus Crist Superstar í tvo mánuði og nú fer að koma að því þegar LHÍ-mappan hans fína fer að vera tilbúin, en ég er bara ekkert sérlega spennt fyrir því. Nú þegar ég byrja loksins að fá útborgað, vinnandi manneskjan, þá ætla ég að vera duglegri að fara á flottar sýningar sem ég lét mér ekki einu sinni detta í hug áður. Svo ætla ég líka að kaupa mér svona lomo-myndavél og fullt af flottum fötum. Svo býst ég við að ég verði að borga lánin mín, obbobbobb. Það er eitthvað ofboðslega kósí að vera að vinna fulla vinnu, sérstaklega á Laugarveginum. Það er samt ekki kósí að taka strætó úr Grafarvogi á hverjum morgni klukkan átta. Á þeim stundum er ég einstaklega þakklát fyrir Ipodinn minn sem ég elska heitt.

Á laugardaginn fór ég í sumarbústað með Jobba og fjölskyldunni hans. Við spiluðum fram á nótt, fórum á sveitapöbb og á fjórhjól. Það var alltaf passað upp á að glasið mitt væri fullt af rauðvíni þannig að þær þrjár kippur sem við fórum með uppeftir voru enn á sínum stað þegar við fórum heim daginn eftir.

Í gær hélt Danan mín sæta síðan upp á afmælið sitt með pompi og prakt og það var geðveikt gaman. Eyrún Hanna frænkuskott komin heim og það er alltaf jafn gaman að sjá hana og auðvitað afmælisbarnið. Eftir afmælið fórum við á Kaffibarinn og dönsuðum þar fram á nótt þangað til að ég gafst upp á allt of háum hælaskóm og skrölti með nokkrum setupásum niður í leigubílaröð. Ég er brjáluð því ég gleymdi að taka með mér myndavél eins og alltaf. Leiðinlegt.

2008-03-17T01:51:00.000-07:00

Nú er ég að fara í vinnuna mína, því ég er komin með vinnu! Jei!
Ég er byrjuð að vinna á Te og Kaffi á Laugarvegi og það er svaka partýstuð

Um helgina fór ég í ótrúlega skemmtilegt partý hjá Evu og Sigga, þau eru yndisleg

Nú er ég farin í vinnuna
Bless

P.S. þetta er án efa skemmtilegasta blogg í heimi

2008-03-06T12:47:00.000-08:00

Jei! Í gærkvöldi var tekin stórskemmtileg ákvörðun á mínu heimili. Við fjölskyldan höfum ákveðið að leggja land undir fót og fara til Lanzarote!
Ú BEIBE ég er svo spennt! Nú ætla ég að safna magavöðvum og vera massapía þegar við komum út.

Hér er rómantískt sólarlag í Lanzarote:

Og hér er hótelið mitt HABAHABA:

Þetta krútt ætlar ekki með til útlanda:

Hans verður sárt saknað:(

Nú er ég að fara að drekka bjór í hátíðlegu tilefni enduropnunar KB.

2008-03-04T10:28:00.000-08:00

Ég var búin að horfa geðveikt lengi á þetta vídjó áður en ég fattaði að þetta var ekki tónlistarvídjó:

Caribou vs. Grizzly Bear

Kær kveðja
María gáfubarn
(sem á afmæli eftir viku og verður þá gáfumenni)

2008-02-25T04:55:00.000-08:00

Jæja þá er það opinbert. Ég er hætt í lögfræði. Ég elskaða!
Ég er búin að ákveða að fara að læra eitthvað skemmtilegt þannig að ég ætla að sækja um á Myndlistarskólanum næsta haust. Eins og var alltaf planið áður en ég fékk lögfræðifluguna í hausinn. Jæja.

Um helgina fögnuðum við Josh 20 mánaða afmæli voru (já við höldum uppá það í hverjum einasta mánuði, rómantíkerarnir við).
Við fórum til Keflavíkur, því að það er mekka rómantíkurinnar.
Þar fórum við á Thai Keflavík og fengum okkur Pad Thai sem var ógeð og konan var að ryksuga allan tíman sem við vorum að borða.
Þá dó rómantíkin og við fórum heim á myspace.

Nú er ég að fara að vinna. Það er gaman. Ég er að hugsa um að fara að perla eða púsla.
Svo bráðum, bara bráðum ætla ég að fara að leita mér að alvöru vinnu.

Bleees

2007-10-24T09:35:00.000-07:00

Jæja þá er ég búin með fyrsta prófið mitt í háskólanum, finnst það ansi gott. Ég fór í prófið á laugardaginn síðasta sem þýðir að ég missti af þremur fyrstu dögunum af Airwaves. Sem þýðir að það er eins gott að ég nái prófinu því annars verð ég brjáluð. Það litla sem ég sá af Airwaves var ágætt en náði einhvernvegin aldrei hæðum síðustu hátíða. Enda kannski eðlilegt þar sem ég missti af aðalkvöldinu, föstudeginum. Skemmtilegast fannst mér eiginlega á gleði-tónleikunum með FM Belfast sem er merkilegt fyrir þær sakir að ég var ein á þeim tónleikum. Þar dansaði ég eins og ég ætti lífið að leysa.

Fyrir utan tónleikana fórum við Jobbi líka í viðtal hjá útlenskri sjónvarpsstöð. Þóttumst vera miklir spekingar og tókum okkur ákaflega alvarlega, fórum fögrum orðum um íslenska tónlist og sögðum frá því að Jósef væri nú í hljómsveit og ég væri sko söngkona. Keðjureyktum á meðan eins og alvöru spekúlöntum sæmir.

Ég er haldin óstjórnlegri útþrá. Mig langar til útlanda, helst til Köben. Varð frekar skotin í henni þegar ég var þar síðast. Þar voru alltaf indjánar í lendaskýlum að spila frumbyggjamúsík í þessum svaka fínu græjum. Þar fer maður á Nyhavn og fær sér bjór og ís með flödeskum. Þar eru H&M búðir á hverju horni. Þar skín sólin í heiði og fuglarnir syngja og allir eru glaðir, alltaf. Þannig er það allvega í minningunni.

Jæja þá er best að halda áfram í fræðunum oj, oj, oj.

2007-10-04T08:30:00.000-07:00

Mér finnst fátt yndislegra en rigning og logn, í einu. Í dag er þar af leiðandi búið að vera algjört kjörveður fyrir mig enda er ég búin að vera úti síðan klukkan hálf tólf í ,,morgun".

Ég fór á hádegistónleika í Hafnarfirði með söngkennaranum mínum og fékk mér síðan súpu með söng-vinkonum hennar, heldur betur menningarleg hún María.

Eftir tónleikana fór ég síðan í bæinn til að finna mér hatt fyrir hatta-afmælið á laugardaginn. Fór fyrst í Hjálpræðisherinn þar sem ég fann enga flotta hatta en hins vegar fallegan kjól og veski með dúsk og ég varð því að kaupa bæði. Síðan fór ég í Rauða krossinn og fann nokkra fína hatta en er greinilega frekar hausstór manneskja því að þeir voru allir of litlir. Þar fann ég hins vegar svaka fína gullpeysu sem ég varð að kaupa. Mér tókst semsagt að eyða 3500 krónum af himinháu námslánunum mínum í föt og fann engan hatt í þokkabót.

Nú er Sigrúnin mín svo flutt að heiman. Litla telpan orðin stór. Af sökum staðsetningar nýja heimilisins ætla ég að leyfa mér að spá miklum partýhöldum og vafasömum lifnaðarháttum.

Nú ætla ég hins vegar að fara að hita mér kaffi og lesa um lögfestingu þjóðréttarsamninga.
Jeijeijeij!

2007-09-21T15:08:00.000-07:00

Úff... ég fór í mega mikla fýlu við blogger í gær. Var búin að skrifa þetta geðveikt skemmtilega kommbakkblogg og Blogger alltaf að þykjast vera voða hress og seifa á mínútufresti og síðan bara seifaði hann bloggið mitt í burtu! Það var svona blaðsíðulangt og ég var svo sár og niðurbrotin að ég hafði ekki orku í að skrifa það aftur! Þannig að ekkert alvöru kommbakkblogg fyrir ykkur... bömmer.

Svo ég stikli á stóru fór ég til útlanda í sumar með fullt af gæjum og það var svo ótrúlega gaman. London var geggjuð og þaðan fór ég mörgum fötum ríkari og mörgum peningum fátækari. Belgía var alveg glötuð og ég eyði ekki fleiri orðum í það. Amsterdam var hins vegar yndisleg og þangað ætla ég að flytja og eiga börn og buru og búa í bát. Þar eru húsin skökk og það má reykja inni á kaffihúsum. Mín yndlingsborg.

Ég er líka laus við teinana og komin með bílpróf orðin lögfræðingur og alles, svona næstum því. Kvóta nú samt í hann Jónas frænda minn sem er með mér í lögfræðinni þegar ég segi að ég er ekki alveg viss hvar ég stend gagnvart þessu liði. Veit ekki alveg hvort ég á að elska þetta eða hata.

Var búin að setja inn fullt af skrautlegum myndum úr ferðalaginu en þær duttu líka út, búhú, en ég læt nokkrar fylgja með núna. Skiptir samt ekki öllu því að fáir lesa nú blogg sem aldrei segir neitt... en nú er bara að fara að safna áhangendum aftur!

Jobbi ekki að fíla þessar eilífu myndatökur

Fallega, fallega Amsterdam

Tóti að flagga kynþokkanum

Ótrúlega myndarlegir ferðafélagar, Gummi sérstaklega að lúkka

Ási og Stefán með afbrigðum hressir í lestinni

Listaverkið fyrir utan hýbíli vor á Pukkelpop

2007-05-24T14:31:00.000-07:00

Kosturinn við að blogga aldrei er að fréttirnar safnast upp og þá er frá nógu að segja! Nú er ég til dæmis búin að fá hund. Hann heitir Taktur og er snarbrjálaður. Hann er samt yndislegur og ég er voða skotin í honum.

Annað sem er að frétta er að ég er byrjuð að vinna á Amokka. Ég er nú aðeins spenntari fyrir þessari vinnu en hinni sem ég var að druslast í í allt of langan tíma. Það var leiðinlegt. Nú er ég að vinna í Borgartúninu en síðan eftir helgi flyst ég á nýjan stað sem er verið að opna í Kópavogi. Það verður partý. Í dag gerði ég kaffi handa konu og þegar hún var búin að drekka það kom hún til mín og sagði “mikið ofboðslega var þetta gott kaffi hjá þér!” Ég var svo stolt. Kannski ekki í frásögur færandi en án efa einn af hápunktum dagsins hjá mér.

Annars er ég búin að sækja um í háskólann í lögfræði, án þess að vita í rauninni af hverju ég er að fara í lögfræði. Ég var nú eiginlega hætt við þetta en síðan horfði ég á Legally Blonde um daginn og daginn eftir skráði ég mig. Ég er svo áhrifagjörn að það er bara brandari.

Annars er það merkilegasta sem er búið að gerast í langan tíma án efa það er ég er búin að eignast lítinn og yndislegan frænda. Hrafnhildur frænka og Eiður kærastinn hennar eignuðust lítinn strák um daginn sem er algjört gull og fegurðarkonungur!

2007-04-30T10:18:00.000-07:00

Ég er búin að vera svo dugleg að vinna í dag á meðan sólin skín úti að ég hef ákveðið að verðlauna sjálfa mig. Í kvöld verður hið fínasta púss dregið fram og ég, Sigrún og Óli ætlum að skunda á O´sushi. Það verður að viðurkennast að ég er engin sushi-manneskja en hins vegar finnst mér svo kúl og menningarlegt að finnast það gott þannig að núna gildir bara hið fornkveðna "fake it ´till you make it"! Með kræsingunum verður síðan sötraður hvítvínsdreitill og þar á eftir haldið á helstu dansstaði Reykjavíkur og slett úr klaufunum.

Annars er ég bara að gera ekkert í vinnunni.. er inni í litlu, heitu herbergi fullu af strákum sem svitna. Einn þeirra var að koma fyrst í dag og ég var voða næs að kenna honum og brosa og vera góð þar til hann gerðist svo kræfur að setja samasem-merki milli kvenna og kvenhunda. "Tík - kona" sagði hann, "same shit". Hálfviti. Hver talar svona? Ég benti honum bara vinarlega á að þetta væri ekki rétta crowdið fyrir svona brandara og nú yrði ég ekki á hann því ég er í fýlu. Iss..

Mæli svo með að sem flestir mæti í bæinn og noti fríið á morgun í að vera þunnir enda lítið annað við það að gera.

Mússímúss

María

Kinn við Kinn

2007-04-11T14:12:00.000-07:00

Nú er ég búin að fara á árabát, drekka bjór og spila félagsvist upp á gamla mátann, keyra á Hvammstanga og aftur til baka á sama deginum, sjá Björk á tónleikum, sjá Hot Chip á tónleikum, uppgötva óléttu frænku minnar, endurheimta aðra frænku frá útlöndum, allt þetta á einum páskum. Mér þótti samt, þrátt fyrir ótrúlega viðburðaríka og góða páskahátíð, sérlega gott að komast aftur í rútínuna mína sem er vakna, world class, vinna, sofa. Þó svo að liðurinn "world class" hafi fengið að sitja á hakanum í smá tíma þá stefni ég á gott comeback þar mjög bráðlega.

Ég er búin að ákveða (eins og svo margoft áður) að verða duglegri að blogga núna og að setja fleiri myndir hér inn þar sem ég fékk nú einu sinni svona stórglæsilega myndavél í útskriftargjöf.

2007-02-28T03:38:00.000-08:00

Síðasta föstudag ákváðum ég og Jobbi að vera svolítið menningarleg og skelltum okkur á tónleika með Ólöfu Arnalds í Þjóðmenningarhúsinu. Ég hafði aðeins heyrt í henni áður af plötunni Sería og fannst hún ekkert skemmtileg. Meira bara leiðinleg. En vá nei hvað ég hafði rangt fyrir mér. Hún er ótrúlega sæt og fín og klár og flott tónlistarkona. Eftir tónleikana var ég bara vá,vá hún minnir svo á Joanna Newsom og Vashti Bunyan og Megas og og og... og þá sagði Jobbi að hún hefði minnt sig á Bubba Morteins. Þá sagði ég stopp.

Ólöf Arnalds var þó ekki sú eina sem söng á tónleikum því að það gerði ég líka, í fyrsta skipti. Vá hvað það var ótrúlega gaman. Stressið var einhversstaðar allt annarsstaðar og allt gekk vel.

Annars var ég bara að koma úr ræktinni og er í leiðinni í vinnuna. Ég keypti mér árskort um daginn og er að verða algjör köggull. Fór reyndar í fyrsta skipti í Laugar í gær eftir að hafa verið að druslast eitthvað í Spönginni og það er allt annað. Það er meira að segja sjónvarp á tækjunum sjálfum, sem er algjör óþarfi því að það eru risastórir flatskjáir á veggum beint fyrir framan þau líka, en það er samt frekar töff.

2007-02-16T07:22:00.000-08:00

Kæra dagbók. U-ið mitt á tölvunni er með stæla og þess vegna er það ekki mér að kenna ef það vantar stundum u í orð. Núna er ég afbrýðisöm því að Sigrún er að fara til New York og ekki ég. Ég og Sigrún höfum farið saman til Portúgal, Ítalíu, Bandaríkjanna og Danmerkur og hélt ég að það þýddi átómatískt að við værum ferðafélagar en nei. Sigrún hefur ákveðið að fara án mín til New York sem er draumaborgin mín. Svei þér Sigrún. Annars ætla ég bara að hefna mín á henni með því að taka bílprófið á undan henni. Það verður gaman og ég held að á þann hátt verði hefndum best fram komið. Ég hvet hér með alla til að spyrja Sigrúnu næst þegar þeir hitta hana hvenær hún ætli nú eiginlega að taka bílprófið, hún er að digga það.

Þetta er hvort sem er bara skítapleis.

Annars er nóg að gera núna.
Ég er að:

-taka bílprófið
-byrja í nýrri vinnu
-fara að syngja á tónleikum
-fara að taka stigspróf
-fara í annarpróf í tónfræði
-fara að eiga AFMÆLI jeeee!!!

Ég hef aldrei gert svona punktablogg enda er ekki hægt að gera almennilega punkta í þessari fánýtu tölvu minni heldur bara bandstrik en ég læt það gott heita.

Bless, kex og ekkert stress
María

2007-02-04T03:55:00.000-08:00

úllendúllendoffkikkelanikoff... muniði eftir því?
Hver finnur eiginlega upp á svona snilld?

Leiðin í dag liggur í barnaafmæli til hans elskulega litla Tinna. Langt síðan maður hefur farið í barnaafmæli. Þau eru alltaf á sunnudögum, klukkan fjögur. Kökur og gos og pakkar. Amma er meira að segja búin að lofa að baka uppáhaldskökuna mína.
Ninni, eins og afmælisbarnið kýs að kalla sig, er orðinn tveggja ára gamall og því verður mikið húllumhæ og partýfjör. Hann er nú búinn að flytja búferlum í fyrsta skipti á ævinni og var Famnesvegurinn kvaddur "for good" 1. febrúar.

Þessir flutningar hafa verið algjör gullpottur fyrir mig enda hef ég fengið að velja úr dóti sem á að henda og fundið þar hinar ýmsu gersemar. Pels, eyrnalokka, hálsmen, föt, lampa, fullt af efnum til að sauma úr, listaverk og endalaust mikið af öðru smádóti. Eina vandamálið er að þetta dót er búið að yfirtaka herbergið mitt. En úr því verður bætt nú.

Hér er síðan mynd af okkur systkinunum á góðri stund.

2007-01-30T05:08:00.000-08:00

Í dag er þannig dagur að mann finnst vera kominn júní, eða allavega maí. Þegar ég vaknaði í morgun (klukkan 08:00 því að lífsklukkunni minni finnst líka vera komið sumar) langaði mig bara að hringja í alla krakkana, fara að kaupa bjór og setjast á Austurvöll. Þeir dagar þegar svoleiðis gengur upp eru toppar hinnar annars ágætu tilveru hér á Íslandi.

Í gær var líka toppdagur. Í gær fór ég á Barinn til að læra með Sigrúnu og við sátum þar í þrjá tíma og var þá hvorug okkar búin að læra neitt en hins vegar spjalla fullt og skemmta okkur konunglega. Síðan þegar ég fór heim bakaði ég pizzu. Það hefur nefnilega komist upp um áður leyndan hæfileika minn til að búa til ótrúlega góðar pizzur. Með pizzunni horfðum við Jobbi á O.C., Heroes og C.S.I., allt í röð.

Ég elska svona daga. Þó ég sakni þess að geta setið á Austurvelli í góðra vina hópi og sötrað bjór. Þessir dagar eru nefnilega bara bestir þegar það er ennþá vetur.

2007-01-26T06:58:00.000-08:00

Ég fór í starfsviðtal um daginn og held að mér hafi bara gengið ágætlega. Ég fékk allavega kaffi og hitti mjög fyndinn verslunarstjóra sem ég skildi ekki því að ég vissi aldrei hvort hann var að grínast eða hvort grínbrosið væri bara fast á andlitinu hans. Flest sem hann sagði fannst mér allavega vera fyndið (kannski því ég var sjúklega stressuð og að reyna að ganga í augun á honum), hvort sem það var ætlun hans eður ei.

Í gær söng ég fyrir framan fleira fólk en ég hef vanið mig á í gegnum tíðina (fyrir utan misheppnaða tilraun sem bakraddasöngkona hér í denn). Þetta var reyndar bara fyrir svona 15 manns en allar eru þær svakalegar söngkonur og ég mátti ekki syngja heldur varð ég að skatta (svona óundirbúið sjúbbidúbabbabú yfir einhverja laglínu). Ég hef sjaldan lent í jafn stressandi aðstæðum en síðan þegar ég var búin þá vildi ég bara aftur og aftur. Merkilega gaman að gera hluti sem maður er skíthræddur við.

2007-01-22T05:50:00.000-08:00

Jæja þá er helgin liðin. Ég fór á tónleika á Barnum á laugardaginn með Steve Sampling. Það er víst það allra heitasta í dag. Svosem ekki alveg minn tebolli en það vakti hins vegar með mér ómælda ánægju að sjá Andra Pál gamla Hamragemling taka lagið og standa sig eins og hetja. Annars var kvöldið ekki eins gleðilegt eftir það. Mér tókst nefnilega að týna fallega og hlýja pelsinum mínum sem mér þykir svo vænt um og slíta nýja og fína gullhálsmenið mitt. Þetta er ekki einleikið, það hlýtur að vera eitthvað til við þessu, að týna öllu og sérstaklega fínustu hlutunum sínum.

Nú bíð ég bara eftir að komast í starfsviðtal. Á að mæta í dag eða á morgun og þá getur þessi jólafríslangavitleysa tekið enda. Nú er ég búin með Harry Potter og eftir engu að bíða nema að fara að vinna. Þannig að vonandi, vonandi verð ég nógu fín og sæt í viðtalinu til að heilla þessa skvísu upp úr skónum og fá þessa blessuðu vinnu.

2007-01-15T06:39:00.000-08:00

Ég fór í partý á laugardaginn til heiðurs Erlu og Einars. Þau eru víst að fara til Danmerkur á morgun.. ji hvað það verður magnað. Ég tók með mér myndavél og allt en þar sem ég er léleg og gleymi alltaf að taka myndir verður þetta partý bara að lifa í huganum mínum og þeirra sem viðstaddir voru. Nú er bara stefnan sett á að kíkja í heimsókn til Danaveldis í sumar.

Hér erum við Sigrún í Danmörku að reyna að vera dúllur.. ó hvað það var góð ferð.
Sigrún ég dobbúl-mana þig til að koma með mér aftur í sumar :*

2007-01-12T15:50:00.000-08:00

Ég datt inn á óvænta Greifa-tónleika áðan. Ég fór í sakleysi mínu að fá mér að borða á Salatbarnum en þegar þangað var komið biðu mín diskóljós og dunandi dans miðaldra Greifa-aðdáenda. Greifarnir voru að sjálfsögðu í miklu stuði og því algjörlega ómögulegt að heyra mælt mál, nema þegar þeir sögðu mis-skemmtilega brandara inn á milli. Annars var þetta bara nokkuð fyndið og skemmtilegt og sérstaklega gaman að fá að heyra gamla klassíkera eins og Frystikistulagið sem var náttúrulega aðalhittarinn hér í denn.

Já, þetta gamla lið það kann sko að skemmta sér. Ég var hins vegar alveg búin og fór heim að föndra og er búin að föndra rosa fína eyrnalokka og bol og er hin ánægðasta með afrakstur kvöldsins.

Svo er það bara vinna alla helgina, maður er orðin svo mikill höfuðpaur í þessari búð að það er svakalegt.
Ef að einhverjum leiðist á morgun, eða leiðist ekki neitt og langar bara til að hitta mig, þá er alltaf gaman að fá heimsóknir og býð ég því hér með alla hjartanlega velkomna í Söstrene á morgun frá 11-18 og lofa miklu stuði enda ekki að ástæðulausu sem ég er kölluð Mæja Stuð.

Dansi dans

2007-01-08T12:43:00.000-08:00

Mikið er gott að vera í framhalds-jólafríi og geta bara lesið Harry Potter og borðað konfekt á meðan aðrir hafa snúið aftur í daglega rútínu. Þegar ég fæ leið á þessu líferni ætla ég að fara að finna mér vinnu en þangað til ætla ég bara að leika mér og njóta þess. Já, skóli lífsins býður svo sannarlega upp á þægindi sem menntaskólinn gerir ekki.
Á morgun stefni ég á að klippa hárið mitt en það er þó óráðið.

Þar sem ég fékk svo fáránlega töff myndavél í útskriftargjöf ætla ég að láta fylgja eina litla mynd af Tinna litla því að ég er sjúk í hann og fæ ekki nóg af honum.

2006-12-08T15:02:00.000-08:00

Ég er sár út í blogger.
Íslensku stafirnir mínir eru horfnir og þar af leiðandi eru vinir mínir í tenglalistanum mínum margir hverjir óþekkjanlegir.

2006-12-01T05:35:00.000-08:00

Komið þið sæl systur og bræður.

Ég tók lokapróf í stærðfræði áðan, mínum versta óvini síðustu ára og ég er viss um að ég náði. Ég er orðin svakaleg í stærðfræðinni enda búin að gera fátt annað en að lesa og læra og vera dugleg undanfarið. Ég er líka búin að drekka óvenju mikið af orkudrykkjum og hef orðið margs vísari.

Í fyrradag fór ég í 10-11 og keypti allar gerðir af orkudrykkjum sem ég fann. Einn orkudrykkur sem ég fann hét "Tantra, erotic drink". Ég hugsaði "hvað á þetta að þýða, hvernig getur orkudrykkur verið erótískur". Eftir búðarferðina fór ég heim til mín þar sem bækurnar biðu og þegar ég var alveg að sofna ákvað ég að fá mér smá "Tantra, erotic drink". Viti menn. Áður en ég vissi af var ég tantrandi allt og alla eins og ég ætti lífið að leysa. Ég mæli eindregið með þessum drykk enda er hann sérlega erótískur.

Annars þegar ég er ekki að drekka í mig ástarbrímann út "Tantra, erotic drink" þá bregst það sjaldnast að mér er kalt. Mér er alltaf kalt. Þetta er mér mikil ráðgáta. Alltaf þegar ég ligg uppi í rúmi þarf ég alltaf að vera með sængina upp undir höku og samt er mér ennþá kalt. Ef ég er svo heppin að hafa félagsskap er hann hins vegar yfirleitt ekki með neina sæng og sýpur hveljur í einhverskonar hitakasti og drekkur ískalt kók í gríð og erg á milli þess sem hann opnar gluggann upp á gátt og hleypir enn meiri kulda inn til mín. Ég hata kulda og hann er versti óvinur minn á undan stærðfræði (þar sem ég og stærðfræði erum byrjuð að ná svona ágætlega saman hefur hún fallið niður um eitt sæti á óvinalistanum mínum) og hann ofsækir mig.

Fyrir utan þetta er ég glöð. Ég er meira að segja glöð stundum þegar mér er kalt því að það er besta afsökunin fyrir að fá sér heitt kakó og það finnst mér gott.

2006-11-17T07:28:00.000-08:00

Ég trúi því varla að Sykurmolatónleikarnir séu í kvöld. Ég er orðin svaka spennt því að var eiginlega bara að fatta þetta almennilega áðan. Ég er sem betur fer með miða í stúku við hliðina á pabba gamla :) enda algjörlega honum að þakka að ég fékk miða. Ég ætla að vera svolítið myndarleg og elda fyrir litlu fjölskylduna mína fyrir brottför. Keypti pizzudeig áðan og fullt af djúsí áleggi.

Áðan fór ég í söngtíma og er það varla í frásögur færandi nema fyrir það að þegar ég kom heim aftur uppgötvaði ég það að ég hafði skilið töskuna mína eftir. Það er kannski ekki heldur neitt merkilegt en það er hins vegar svolítið merkilegt hvað mér tekst alltaf að týna öllu og gleyma öllu. Ég á í alvöru við vandamál að etja því að þetta er hætt að vera gamanmál og er farið að kosta mig fullt af peningum. Ég er til dæmis búin að týna níu farsímum.

En það þýðir ekki að hugsa um það því að ég er að fara á tónleika og það verður gaman. Á morgun er ég síðan að fara að vinna og eftir það ætlum við Sigrún að fara á myndlistaropnun hjá mömmu. Það verður svona fjölskyldusamstarf því að mamma er með myndlistina, pabbi með tónlistina og ég svona pínu líka að dúllast eitthvað. Það verður án efa partý. Að sjálfsögðu hvet ég alla til að sýna sig og skoða listina enda er hún mannbætandi.

- María

2006-11-15T07:57:00.000-08:00

Ég er ennþá með frost í heilanum eftir að hafa farið í Bláa lónið í gær. Við vorum komin um sjö leytið í tilefni afmælis Jobba og eftir svona korter langaði okkur bæði að fara uppúr og fara heim að borða grænt lays. En þar sem við erum alltaf að borða grænt lays ákváðum við að það væri ekkert partý í því og píndum okkur lengur. Ég hélt í alvöru að ég myndi deyja úr kulda í hausnum og andlitinu og skildi ekki fullorðið par sem fann í þessu vibbaveðri ástarbríma og var stoppað oftar en einu sinni við að hafa samfarir bak við einhvern foss. Jahh það sem fólk finnur sér til dundurs á almannafæri.

Í Bláa lóninu fann ég mér hvíta drullu og skellti henni í andlit mitt og nærstaddra við góðar undirtektir og hvað haldiði? Nú er ég silkimjúk og geislandi af íslensku heilbrigði.

Á eftir ætlum ég og Sigrún að hafa Americas Next Top Model maraþon. Það verður magnað því að við misstum af síðasta þætti útaf því að við þurftum svo mikið að fara í sund í korter síðasta miðvikudag. Sigrún tók hann upp og þess vegna verður gleðin tvöföld núna.

Ríðufossinn

2006-11-06T05:26:00.000-08:00

Ég sit hérna uppi á bókasafni í skólanum eins og svo oft áður og það fyrsta sem maður sér þegar maður lítur útum gluggann er Esja full af snjó! Það gerir mig svo dapra en samt er ég líka svaka spennt allt í einu yfir að fara á skíði! Ég ætla sko að vera dugleg að fara á skíði í sumar og auk þess ætla ég, daddaradamm, að læra á snjóbretti, vúhú!!

En ég ælta ekki bara að taka mig á á útivistarsviðinu heldur líka á lærdómssviðinu. Ég er með póst í emailinu mínu frá kennara um það hvort að ég geti ennþá náð áfanganum eða ekki og ég er ekki enn búin að kíkja á hann þó að hann sé búinn að vera þarna alla helgina. Ég bara þori því ekki. En nú eru þessir tossadagar liðnir og alvaran tekur við og ég ætla að fara að finna einhvern á eftir til að lesa bréfið fyrir mig því að ég get það ekki sjálf.

Annars var algjör vetur í gær. Ég var svo heppin að vera veik og fór því ekki í vinnuna og kúrði bara uppi í rúmi á milli þess sem ég sendi Jobba fram að ná í snakk og nammi og grillaðar samlokur. Síðan lágum við bara undir sæng með opinn gluggann og létum rigna á okkur og borðuðum grænt Lays.

Ég er boðin í tvö stelpuafmæli um næstu helgi og ég hlakka mikið til. Það er best að ég er ekki að vinna næstu helgi en það er verst að bæði afmælin eru á sama degi. Ég á aðeins eftir að gera þetta upp við mig en það verður án efa skemmtilegur laugardagur hvort heldur sem verður. Oh ég hlakka til!

Og nú er bloggið orðið svart því að hitt var svo hrikalega ljótt.

Haleluja

2006-10-26T10:26:00.000-07:00

Ég er uppi í skóla núna að reyna að læra. Ég var að fá smá skell og að gera mér grein fyrir að fjarnám er ekki eintóm gleði og dans á rósum. Nei, ég er ekki frá því að ef að ég fer ekki alvarlega að taka mig á þá verður engin útskriftarveisla til að hlakka til um jólin. Sussumsvei og nei. Þess vegna kem ég hingað upp í skóla á hverjum degi til að læra því að heima þar er stórt og mjúkt rúm sem freistar.

Annars er komin dásamleg viðbót í flóru bloggheimanna. Nokkrar hrikalega myndarlegar og yndislegar stelpur hafa víst tekið sig saman og ákveðið að stofna bloggsíðu! Þetta er án efa atburður ársins og hvet ég ykkur eindregið til að kíkja á þessa snilld! Nú kann ég ekkert að gera svona link en slóðin er blog.central.is/glediglydrur , better recognice and don´t forget it yo!!

nokkrar gleðiglyðrur

Paradisiaque

2006-10-11T09:05:00.000-07:00

Haustið er komið og mér finnst það svo kósý enda ómældur aðdáandi kertaljósa, sælgætis og sjónvarpsgláps. Fyrir utan hvað það er yndislegt að fara út að labba í Voginum í risastórri eskimóaúlpu og loðmúnbúts og hlusta á Evu Cassidy og vera ekkert kalt á meðan. Ég hef aldrei verið mikil vetrarmanneskja en allt í einu er ég farin að hlakka til snjósins og jólanna og jólaljósanna og góða matarins og notalegheitanna sem fylgja þessari árstíð. Ég get ekki neitað því að jólaspenningurinn sé að koma upp í manni hvað sem það á nú eiginlega að þýða enda ekki nema október.

Annars væri ég alveg til í að fara að halda stelpukvöld bráðum. Ég er farin að sakna stelpnanna minna svo mikið!

hot, hot monkeys

2006-10-02T17:06:00.000-07:00

Helgin var yndisleg og hress. Sigrún sæta átti afmæli og bauð í hvítvín, glimmer og súkkulaðihúðuð jarðaber. Við stúlkurnar lékum kynþokkafulla apa og reiða sjóræningja úti í garði og að sjálfsögðu fengu örfá tár að falla í lokin til að innsigla kvenmiðun kvöldsins. Reyndar týndi ég myndavélinni minni sem var leiðinlegt og ég auglýsi því hér með eftir silfurlitaðri myndavél sem inniheldur ljósmyndir af sérlega myndarlegu og fáguðu kvenfólki í apa- og sjóræningjaleik, sbr. myndina hér fyrir neðan.

zuzuki

2006-09-20T13:19:00.000-07:00

Ég væri svo hamingjusöm ef að ég ætti baðkar. Áðan þurfti ég virkilega að fara í bað. Ef ég ætti baðkar þá hefði ég án gríns legið í því í svona viku. En neii... ég á bara sturtu og áðan fór ég í sturtu til að reyna að fullnægja baðþörf minni. Ég stóð í sturtunni, sem var aldrei nógu heit, í einn og hálfan tíma. Ef ég hefði legið í baði í einn og hálfan tíma hefði ég í mesta lagi uppskorið afslöppun, hugarró og kannski smá rúsínur á tær og fingur. En það er fjarri lagi og það sem ég kom með út úr sturtunni var náladoði í hausnum og þreyttar og eldrauðar lappir. Jájájá.. nú er ég að horfa á Krókaleiðir í Kína.
Hvað er að íslenskri dagskrárgerð?

Mér finnst alveg út í hött hvað fólk er vangefið í umferðinni. Nú eru 20 dánir á þessu ári í umferðarslysum og það er bara september. Ef þið viljið brjóta lögin notiði hugmyndaflugið og gerið eitthvað sem drepur ekki fólkið í kringum ykkur og/eða ykkur sjálf. Það segir sig sjálft að það er náttúrulega bara heimskulegt.

lavazza

2006-08-24T07:20:00.000-07:00

jæja ákvað að koma með smá öppdeit hérna svona fyrst að ég hef ekkert að gera. Ég er semsagt ekkert í skólanum.. enginn áfangi sem ég þarf að fara í til að klára er kenndur. Án efa vel hægt að elska Borgarholtskóla fyrir svona. Skipulagið er alveg fyrir allan peninginn. Þannig að ég sit bara heima, myspeisast, viðra þá hugmynd að fara út að skokka við sjálfa mig á sirka korters fresti en nenni því bara hreinlega ekki.

Ég fór áðan í Eymundsson í Kringlunni og skipti öllum gömlu skólabókunum mínum. Ég græddi hvorki meira né minna en ellefuþúsund kall á því. Verst að ég er búin að kaupa allar skólabækurnar fyrir þetta árið. Það var þó ekki allt búið enn því að ég fékk líka heila tíu skafmiða þar sem ég gat, tjáði afgreiðslumaðurinn mér, unnið tölvu!! Ég fékk reyndar enga tölvu en þeir sem til þekkja vita að mér leiddist sko ekki að fá að skafa af heilum tíu happadrættismiðum enda ákaflega mikil skaf-kona.

Kannski ég óski skólafólki á grunn-, mennta- og háskólastigi svo til lukku með skólabyrjun. Þá sérstaklega þeim sem eru að byrja í háskólanum. Ekki hægt að neita að það örli á léttri öfund hérna megin yfir því en samt bara mjög léttri.. alveg pínuponsu sátt við að geta bara verið að blogga í staðinn fyrir að vera að sökkva mér ofan í bækur sem eru skrifaðar fyrir miklu gáfaðra fólk en mig.

2006-08-08T07:31:00.000-07:00

Verslunarhelgin er afstaðin. Hún var megafjörug.
Ég, Jobbi, Sigrún, Stebbi og Gunni keyrðum á 140 um landið í leit að Ásbyrgi. Þegar þangað var komið fundum við Sigur Rós sem er besta hljómsveit í heimi og líka eitt fallegasta sólarlag sem að ég hef séð.
Eftir tónleikana fórum við á bændagistingu, sátum á veröndinni og frömdum flugu-fjöldmorð.
Á Akureyri var ekki 25 stiga hiti en það var hins vegar nóg af bjór og teppum sem að hituðu kroppana og glöddu hjörtun.
Við urðum fastagestir á Kaffi Karólínu sem er víst Kaffibar norðursins og fórum í partý hjá innfæddum sem var ákveðin reynsla útaf fyrir sig. Lenskan á Akureyri er víst að karldýrið gengur með typpið út um buxnaklaufina á meðan kvendýrið hleypur skrækjandi í kring. Þessu áttu sumir erfitt með að venjast á meðan aðrir voru fljótir að laga sig að staðarháttum.
Við fórum í tívólítæki sem var allt of langt og eftir það skiptum við liði þar sem einn helmingur hópsins fór á Crown og fékk sér óætlan hamborgara en hinn helmingurinn fór á Strikið og borðaði og drakk fyrir rúman 30 þúsund kall.
Myndir frá ferðinni eru á síðunni hennar Sigrúnar

Sigrún og María hissa í ferðlagi

Núna er ekkert annað að gera en að njóta síðustu daga sumars og reyna að láta sig hlakka til skólans. Ég hlakka allavega til að hitta blessuð Borgó-börnin.

2006-07-19T06:20:00.000-07:00

Síðan ég vaknaði í morgun er ég búin að drekka fjórar kókómjólk(ir) þar af eina sykurlausa.
Ég er búin að reyna að yfirgnæfa sérvitringinn sem er búinn að vera að spila Evróvisjón diskinn fyrir utan gluggann minn i allan morgunn.
Ég ætti beisikklí að vera úti í Búlgaríu núna en Guði sé lof, ég er seif hér og missi ekki af þessum dýrðardegi hér á Íslandi.

Ég fór í gær á bát út á vatn sem að ég get ekki fyrir mitt litla líf munað hvað heitir.. það var ákaflega rómantískt.
Rómantíkin var síðan toppuð með því að sitja úti undir "geislahitara" með bjór og harðfisk.

Ég er að hugsa um að fara niður á Austurvöll núna með I-pod, bók og kaffi og hafa það notarlegt... jafnvel í blómakjól og með sólgleraugu, svona til að toppa þetta.

2006-06-14T05:00:00.000-07:00

þessi er sætur.. hann er soldið eins og jesús... spænskukennarinn minn heitir jesús og konan hans heitir maría.. og mamma hans jesús hét líka maría... og ég heiti maría... vá.

2006-05-31T03:57:00.000-07:00

Jæja þá er ég byrjuð að vinna á fullu í yndislegu sumarvinnunni minni. Vakna klukkan 10 á morgnanna og gæti litla bróður til 5 á daginn. Þetta er nú alveg ágætlega huggulegt starf og ekkert stress. Reyndar byggjast flest samtöl dagsins á frösum eins og "jahja" og "naija" (sem að ég trúi einlægt að þýði María) og ég er farin að sakna þess örlítið að eiga samræður þar sem ég skil eitthvað hvað hinn einstaklingurinn er að segja. Allir þeir sem hafa náð nógu háum aldri til þess að láta af "jahja" og "naija" eru hins vegar uppteknir við að moka inn peningum í sumar þannig að ég er ein á báti. Ég legg til að allir gefi skít í lífsgæðakapphlaupið og komi út að leika með mér og Óskari Tinna. Við erum alltaf til í tuskið, trúið mér. Ég get ekki neitað því að ég sakni fólksins úr skólanum svolítið. En talandi um skólann minn þá er undirbúningur fyrir Búlgaríu hafinn og með undirbúningi þá meina ég ströng megrun.Eða kannski ekki svo ströng en svona. Ég er allavega hætt að borða skyndibita! Búin að vera hætt því í alveg tvo daga og hefur það tekist ákaflega vel held ég. Nú er það bara speltbrauð og bananar allan daginn. En annað talandi um Búlgaríuferðina þá við ég endilega minna ykkur á að sækja um Svarta kortið hjá landsbankanum því að eins og þið vonandi vitið öll þá ætlar það sómafólk að leggja 10 þúsund krónur inn á reikningana hjá þeim sem að borga fargjaldið með Svarta kortinu. Ó það verður svo gaman hjá okkur.

2006-05-29T11:24:00.000-07:00

æj ég er svo þreytt og ég nenni ekki að blogga. ég nenni hins vegar ekki heldur ekki að blogga því að svoleiðis blogg eru svo leiðinleg. ég ætlaði að fara út að skokka eða fara í sund og vera aktív en ég nenni því ekki heldur. ég var að smakka svart powerade með wild berry bragði og það er ógeðslega vont og allt of sætt. næstum eins og að drekka víngúmmí. ég smakkaði hins vegar 7-up free um daginn og ég var ekki frá því að ég væri komin til himna. hvílíkur unaður.

2006-05-22T14:22:00.000-07:00

Þegar ég verð stór ætla ég að búa í Toscana á Ítalíu, eiga yndislegan mann og tvö börn, stelpu og strák sem eru bestu vinir. Við munum eiga vínakur þar sem börnin okkar hlaupa um með hundinum okkar sem heitir Chico. Það verður alltaf sól nema þegar það er rigning en þá er bara léttur úði svo að vínviðurinn geti vaxið. Ég ætla alltaf að ferðast um á rauðu gamladags hjóli með körfu framan á, í fallegum blómakjólum og hafa blóm í hárinu. Í hádeginu ætla ég að baka eplaköku og setja hana út í glugga til að kæla hana svo að ég geti gefið fjölskyldunni minni í svanginn þegar þau koma heim eftir erilsaman morgun á vínekrunni án þess að þau brenni sig á tungunni. Með eplakökunni fá þau ískalda mjólk sem kemur frá geitinni okkar Claudio sem bítur gras hinum megin við húsið. Ég ætla að eiga bala og þvottabretti í stðinn fyrir þvottavél og þvottasnúru í staðinn fyrir þurrkara. Ég ætla ekki að vakna við gsm-símann minn heldur hanagal. Ég ætla að vera rosalega ástfangin og hamingjusöm og ég get ekki neitað því að ég hlakki svolítið til.

2006-05-14T10:40:00.000-07:00

Ég er núna inni. Ég á að vera að læra en ég er ekki að því. Mig grunar sterklega að það sé yndislegt veður úti, sól og hiti en ég þori ekki að gá. Ég sá sólina gægjast inn um rifu á gluggatjöldunum áðan en ég var ekki lengi að loka þeirri rifu. Málið er að ég get ekki byrjað að læra... hvernig í ósköpunum á maður að læra fyrir þýskupróf? Það er mér algjörlega dulið og er ég þó búin að gera margar tilraunir til. Hvað gerir maður í svona krísu? Jú, maður bloggar. Þar sem að ég hef þó ekkert að segja þá ætla ég bara að rekja helstu staðreyndir helgarinnar.

Á föstudaginn fór ég í jarðarför. Um kvöldið fór ég á fyllerí. Oj hvað ég get verið smekklaus. En svona er þetta, þessu unga fólki er ekkert heilagt.

Á laugardaginn var allt alveg ótrúlega kósý og ég gerði ekki neitt nema kúra og borða. Hversu gott getur það orðið?

Á sunnudeginum (sem er í dag) er ég búin að gera fullt. Taka til, pússa spariskóna mína, máta fötin mín. Síðan ég ætla að fara í sturtu. Síðan ætla ég að raða geisladiskunum mínum í stafrófsröð og síðan ætla ég að brjóta saman öll fötin mín inni í fataskáp. Síðan kíki ég kannski í eina þýskubók á eftir ef að ég hef tíma.

2006-05-12T09:39:00.000-07:00

Ég var að setja inn nokkrar myndir frá síðustu helgi og af langdvölum mínum á Austurvelli þá sólskinsdaga sem á eftir fylgdu. Það er undir því ákaflega takkí nafni Sömmertime.

Njótið. Nautnaseggirnir ykkar.

2006-05-05T08:23:00.000-07:00

Núna er allt í einu sumarið svona eiginlega komið og alltí panikk. Ég er byrjuð í sumarvinnunni minni sem er að vera platmamma litla bróður míns. Labba upp og niður Laugarveginn, kíkja í búðir, mata lilla, setjast á kaffihús, fara í heimsókn til ömmu, skipta um bleyju, fá mér ís og verða brún og sæt og fá killer-rass af öllum göngunum upp Bankastrætið og við öll þessi ósköp verð ég á launum. Ágætis díll. Hins vegar verð ég að fá mér aðra vinnu því að ég þarf svo mikinn pening til að geta lifað eins og prinsessan sem að ég og er. Óskalega lítið að frétta þar sem að allir eru í prófkvíðabrjálæðiskasti og halda sig að mestu leyti læsta inni í herbergi eða uppi á Þjóðarbókhlöðu illa lyktandi af kaffi eða bryðjandi græns te-töflur starandi í skólabækur. Ég á sjálf eitt próf eftir.. þýska 303... elskhugi minn og besti vinur alla þessa önn. Sambandið hékk þó á bláþræði í lok skólaársins en ég lofaði að breyta háttum mínum til hins betra og því fæ ég að þreyta lokapróf.

Ég er ekki frá því að það séu 72 dagar eða svo í Búlgaríuferðina sem er frekar gott og skemmtilegt.

2006-04-27T17:55:00.000-07:00

Á morgun dimmitera ég!
Á morgun ætla ég að drekka bjór í morgunmat!
Á morgun ætla ég að heiðra kennarana mína með rós, jafnvel þó ég hyggist einnig heiðra þá með nærveru minni í heila önn í viðbót!
Á morgun ætla ég að fara í snúsnú niðri í bæ í kattarbúning!
Á morgun ætla ég að skemmta mér alveg fáránlega vel og ég er farin að hlakka svooo mikið til!!

One luv fo´evah brothah

2006-04-26T19:03:00.000-07:00

Það eru örfáar manneskjur í þessum heimi, nánar tiltekið á þessu litla landi sem að mér er virkilega illa við án þess að þekkja þær hið minnsta (tek það fram að "þær" á við um manneskjur en ekki endilega kvenkyns manneskjur). Ég hef mínar ástæður og allar ástæður allra þessara manneskja til að vera í ónáð hjá mér svipar til hvorra annarra.. hehe skilið? Ég hef komist að því að allar þessar manneskjur sem að ég þoli ekki og að sama skapi þekki ekki eru tengdar því að þær eru allar vinir sama mannsins! Þó að þær tengist ekkert beint á annan hátt og þekkist jafnvel ekkert innbyrðis. Ég hef því komist að þeirri niðurstöðu að þessi maður sem er ákaflega snoppufríður og hrokafullur eins og illskunni einni er lagið sé djöfullinn í mannslíki og sé að leggja sig í líma við það að gera mér lífið leitt með því að unga út svona ófagnaði.

2006-04-25T07:03:00.000-07:00

María Þórólfsdóttir --

[noun]:

A dance involving little to no clothing

'How will you be defined in the dictionary?' at QuizGalaxy.com

2006-04-23T20:10:00.001-07:00

Óje jeg var að setja inn myndir frá síðustu helgi.. það drógst örlítið þar sem að ég fann ekki snúruna mína. Nú er hún hins vegar komin í leitirnar og ég get haldið áfram með líf mitt þar sem frá var horfið. Í stað þess að vera ölvuð í reykjarmekki inni á Prikinu um helgina eins og flestar aðrar helgar ákvað ég að gera eitthvað uppbyggilegt og fór upp að Úlfarsfelli í leit að stjörnuhröpum. Ég sá ekkert stjörnuhrap enda var skýjað en ég skemmti mér konunglega, sá sólarlagið og sofnaði úti í óbyggðum. Það var sko ævintýri.

Hér er Ég og Reykjavík!

2006-04-18T10:36:00.001-07:00

Ja nú er mér allri lokið, kötturinn minn er orðinn slagsmálahundur!

2006-04-13T12:51:00.000-07:00

Ó Guð vors lands ó lands vors Guð. Í gær sór ég við Guð og heilagan anda að ég væri með réttu kvenmaður. En síðan heyrði ég í dag að þó að ég væri kannski ekki, ekki-stelpa, þá væri ég samt bara María og þess vegna væri karlmönnum unnt að skilja mig. Ég held samt að karlmönnum sé ekkert sérlega unnt að skilja mig og stend ennþá í þeirri trú að ég sé með öllu óskiljanleg eins og alvöru kvenmanni sæmir. Áðan fann ég til dæmis poka fullan af nammi en ég tímdi ekki að opna hann heldur ætla ég að hengja hann upp á vegg því að mér finnst hann svo flottur. Það mundi ég kalla óskiljanlegt. Alltaf þegar ég er að taka til finn ég svo margt sem að mig langar að hengja upp á vegg. Myndir og póstkort og nammi... Égersíðan að spá í því að fara með Sigrúnu kærustunni minni í rómantíska gönguferð um Þingholtin. Við erum svo ástfangnar.

Ég og Sigrún Lover á góðri stund

En já já og liggaliggalá.. ég er þá bara farin, já.

2006-04-07T07:38:00.000-07:00

Hamingjunni sé lof. Í dag kom sumar eins og svo marga aðra daga. Kisi kúkaði í vaskinn. Það var svo kalt að öllum gluggum á íbúðinni var lokað og gleymdist að kettir þurfa að kúka. En hann reddaði sér strákurinn. Ég svaf í öllum fötunum í nótt, með þýskubók á bringunni og vatnið rennandi inni á baðherbergi. Ég vaknaði endurnærð og furðaði mig á því að finna kúk og húfu í vaskinum. Þetta er eitthvað svona kisu-thing.

Með óskum um að allir veikir verði frískir og að allir frískir dansi á rósum.

2006-04-04T16:31:00.000-07:00

Þar sem að ég er hvorki fugl né fiskur, er ég þá bara ekki neitt neitt?

2006-04-03T06:30:00.000-07:00

Ég er með fiðrildi í maganum!

* Ég er að fara í páskafrí

* Það er að koma sumar

* Ég var að eignast fallegustu litlu frænku sem hugsast getur

* Ég er að fara til Búlgaríu með fullt af frábæru fólki

Betur sjá augu en auga og glögg augu sjá kannski að ég var að setja inn enn fleiri myndir, frá dömukvöldi hjá Gleðiglyðrunum og síðan afmæli hjá Dönu.

2006-03-29T20:09:00.000-08:00

Áðan var söngkeppnin hin mikla Borgarholtsskóla (snúið?) og var mikið um dýrðir enda gleðin haldin í Smáralindinni... Sindri vann þessa keppni með glæsibrag enda hefði verið lítið vit í öðru. Eva sykurpúði var í öðru sæti enda flottasti sykurpúðinn í bænum og Bjöggi gæji og Raggi vinur hans voru í því þriðja. Ég var orðin svolítið hrædd um heilsu Björgvins á tímabili enda er vaninn að fólk þurfi að draga andann eftir ákveðinn tíma en hann virðist hafa sigrast á því vandamáli og ég sá ekki betur en að maðurinn andaði ekki í svona 3 mínútur.. sem er auðvitað ekkert nema gott sko! Ég tók þann pólinn í hæðina að vera leiðinlega stelpan með myndavélina í kvöld og held að það hafi heppnast ágætlega. Þema kvöldsins var "gettó" en breyttist síðan í "nörd" þegar líða tók á og held ég að ég verði að krýna sjálfa mig nörd kvöldsins... takk, takk. Ég er svo mikið nörd að ég get ekki farið að sofa þó að ég sé geðveikt þreytt og með hausverk og drukkin og að klukkan sé hálf sex, heldur get ég ekki stillt mig um að blogga og setja myndirnar frá kvöldinu inn. Auk þess hef ég yfirfarið alla stafsetningu vel og vandlega þrátt fyrir aðstæður sem að segir ennþá meira til um toppframmistöðu mína í hlutverki nördsins í kvöld!
Allavega þá eru myndirnar hérna til hliðar ef að áhugi og vilji eru fyrir hendi.

2006-03-27T11:45:00.000-08:00

omg!omg!omg! ég er svo flippuð, dísess ég er svo mikill mongó! hehe, lol!! ;)

2006-03-20T20:25:00.000-08:00

Mmm... ég er sko kósý par exelans. Sit inní eldhúsinu mínu með uppáhaldsgeisladiskinn minn þessa stundina í græjunum í minni uppáhaldsflíspeysu og náttbuxum. Ég var að fá mér Kaffi. Ég er samt búin að drekka það svo hratt að mér svimar smá... einu sinni þegar ég var að vinna næturvakt þá þambaði ég 2 glös af ískaffi rétt fyrir vaktina sem að var svo gott að ég gleymdi að þetta var kaffi og hélt að það væri nammi. Síðan ældi ég alla nóttina. Ég hef semsagt ekki mikið koffínþol, þetta er bara svo gott!

Það er ekkert betra en að sitja inni þegar það er kalt úti og vera í kósíheitum einn undir teppi og hlusta á tónlist... það er bara einn hængur á þessu hjá mér og það er sá hængur að ég þarf að skrifa heila ritgerð um óréttlæti fyrir klukkan 12 á miðnætti. En neyðin kennir naktri konu að spinna og sjaldan er ein báran stök svo að þetta reddast örugglega.

Mamma mín keypti pels handa mér áðan sem að er fáránlega flottur og ég er svo ánægð með hann... hann kostaði svona sirka 2 þúsund í Hjálpræðishernum. Við keyptum pelsinn, tvær peysur sem að ég hefði alveg borgað svona 6 þúsund fyrir í spúttnikk, leðurhandtösku, buxur, pils og leggings... allt þetta á 5000 krónur. Það er ekki hægt að segja að það sé mikill peningur. Hins vegar tókst mér að eyða dálitlum pening um helgina.. er ekki ennþá búin að þora að kíkja á einkabankann minn. Peningarnir fóru ekki í alveg jafn góðan málstað þá og áðan í Hjálpræðishernum en ég held samt að það hvað ég skemmti mér vel réttlæti alveg þessa eyðslu.

Nú þarf ég að fara að klára ritgerðina mína þar sem að ég hyggst finna lausn á málum Ísraela og Palestínumanna. Komin með nóg af þessu bulli, nú verða málin krufin til mergjar og á hver veit nema að á morgun verði kominn friður og Ísraelsbjánarnir verði farnir með sitt hafurtask, búnir að sjá ljósið í gegnum skrif mín.

2006-03-11T17:10:00.000-08:00

Til hamingju með afmælið ég!! og takk fyrir mig elsku fólk sem ég elska ÚTAf öllu lífi minu... þ.á.m. Aþena... takk og ég elska yklkur ljúfur!! ásdis elskar mig líka og ég elska hana. bless

2006-03-02T11:00:00.000-08:00

Jæja jæja já.. ég sit fyrir framan nýju silfurlitu eplatölvuna mína sem að ég var að fá mér í bláum glæsikjól með bláan glæsiaugnskugga og í hvítum glæsisilkihönskum. Ég hét þess eitt sinn fyrir langa, langa löngu að setja aldrei á mig bláan augnskugga þegar ég fattaði hvað það var hallærislegt og að það væri bara fyrir gamlar kerlingar, glyðrur og Sindy (sem ég þoldi ekki á þessum tíma þar sem að ég var ákafur stuðningsmaður Barbie). Nú hefur þetta loforð hins vegar verið svikið enda mikið í húfi. Ég er nefnilega að fara á glæsiball þar sem að allir eru, eins og nafnið gefur að kynna, einstaklega glæsilegir til fara. Það er pínu fiðrildi í maganum því að ég þarf að fara upp á svið og kynna tvenn verðlaun í vinsældarkosningunum.

Jæja þá er deitið mitt hún Sigrún komin að sækja mig...

2006-02-09T11:32:00.000-08:00

Síðasta vígið er fallið, ég fór í ljós í gær. Ég er svo brunnin á rassinum að ég get varla setið á honum! Ég er eiginlega bara brunnin allstaðar sem gerði það að verkum að það var ekki séns fyrir mig að sofa í nótt útaf kláða og hræðslu yfir því að nú væri ég örugglega komin með húðkrabbamein. Ég held að ég verði bara að sætta mig við hvítu og fölu húðina mína. Þetta er samt kannski bara eitthvað sem að ég þarf að venjast... það verður nefnilega stanslaus sól og blíða í sumar á Búlgaríu... og ég er sko að fara til Búlgaríu... liggaliggalái!

2006-01-30T04:43:00.000-08:00

GSMblogg prufa
This is a test message

2006-01-29T13:07:00.000-08:00

Mikið ótrúlega var gaman í gær. Afmælisveislan hjá henni yndislegu Helenu minni var alveg stórfín og bærinn var ekki síðri. Það var pósukeppni allt kvöldið og afraksturinn má sjá ef smellt er á þennan líka ágæta link hér hægra megin á síðunni. Njótið vel.

2006-01-24T03:41:00.000-08:00

Ég sit hérna í miðasölunni í Borgó og bíð í ofvæni eftir næsta vinskiptavini. Nýarsballið er á morgun enda ekki seinna vænna, fyrsti mánuður ársins alveg að klárast. Allir sem að hafa keypt miða hjá mér eru annaðhvort fæddir ´88 eða ´89. Vá mér er farið að finnast ég vera gömul.

Ég mætti eldhress klukkan átta í ræktina, dugnaðurinn er alveg að fara með mig. Mmmm ég var svo ánægð með mig og mér leið svo vel á eftir að ég ákvað að halda uppá þetta allt með langloku og Nissa súkkulaði... og vatni því að maður má nú ekki alveg missa sig. Það er nú einu sinni heilsuvika.

2006-01-23T04:15:00.000-08:00

Haha Hrannar ætlaði að kaupa hamborgara en hann fékk bara grænmetispítu útaf því að það er heilsuvika!

2006-01-19T14:36:00.000-08:00

Ég var að koma heim af Gettu betur keppni áðan. Er ekki frá því að þetta sé allt saman að verða pínu þreytt. Eða kannski er ég bara þreytt. Það verður kannski meira varið í þetta þegar lengra líður á keppnina.

Eins og síðast þegar ég bloggaði varð ég áðan fyrir klóm eyðslusýkinnar ógurlegu. Ég keypti mér fullt af dóti sem á eflaust eftir að vera gaman að nota en það verður svosem ekki tíundað hér enda ekki mjög áhugavert fyrir neinn annan en mig.

Á morgun er síðan merkilegur dagur. Þá mun lið Borgó keppa við lið MR í MORFÍS og er umræðuefnið dauðinn en að sjálfsögðu mælir Borgó mót slíkum kjánaskap.

Dagurinn á morgun er gulltryggður til að vera góður dagur því að fyrir utan sigur í MORFÍS þá á mín ástkæra vinkona Elísa afmæli. Ég man að á síðasta afmælisdegi mínum var einmitt MORFÍS keppni og þá fékk ég þessa líka yndislegu afmæliskveðju í einni ræðunni.

En semsagt stór dagur á morgun. Fyrsti tvítugingurinn í hópnum og sá næsti næstu helgi. Jiii við erum orðnar svo fullorðnar. Nú liggur allt niður á við eins og hún Halla Karen íþróttakennari var svo ágæt að tilkynna okkur um daginn.

Vá ég var að fá nýtt rakakrem og ég er ekki frá því að kinnarnar mínar séu bara mjúkar eins og barnsrass! Hvílíkt töfrakrem! Hallelúja!

2006-01-08T07:35:00.000-08:00

Ég var að koma heim eftir að hafa fengið nett verslunaræði þar sem að ég keypti mér eitt pils, einn kjól og fimm geisladiska. Vá hvað manni líður vel eftir svona átök. Öll vinnan í desembermánuði borgaði sig loks þegar maður fann sælustrauminn sem fylgir því að láta ókunnugt fólk fá peningana sína. Það er svo skrýtið að þessi athöfn gefur mér alveg ótrúlega mikið og það er ekki einu sinni skilyrði að ég geti notað hlutinn sem ég fæ í staðinn eða að ég þurfi virkilega á honum að halda. Ég held að mér finnist einfaldlega bara gott að eyða peningum. Nú var ég hins vegar með tísku- og tónlistarsérfræðinginn minn með í för sem að passaði upp á að ekki væri eytt í vitleysu og ég er ekki frá því að ég hafi bara keypt skemmtilegt dót með mikið notagildi.

Núna tekur hins vegar við sparnaður sem á eftir að sýna sig í mynd nestis í skólanum, minni drykkju, minna skyndibitaáts og vonandi minnkandi magamáls í kaupbæti. Þessi sparnaður er nauðsynlegur enda stefni ég á eitthvað stórfenglegt ævintýri næsta sumar. Það er ekki alveg komið á hreint nákvæmlega hvað verður gert en ég er viss um að það verður eitthvað rosalegt.

Ég fór á náttúruverndartónleika Hættu! hópsins í gær og skemmti mér ágætlega. Ég og fleiri höfðum heyrt að það ætti að vera leynigestur og biðum spennt enda þóttist ég vita að þetta væri goðsögnin Nick Cave. Síðan voru bara kveikt ljósin og enginn leynigestur kom, hvorki Nick Cave né nokkur annar, og ekkert meira um það nema kannski pínu vonbrigði. Svo sem ekkert merkilegt nema að í dag stendur þetta á forsíðu Fréttablaðsins "Nick Cave var leynigestur og ætlaði þakið að rifna af Höllinni þegar hann birtist á sviðinu." Undarlegt að blaðamenn skáldi svona í eyðurnar.

2006-01-05T14:09:00.000-08:00

Úff ég er nú meiri fitubollan. Sit hérna heima hjá henni mömmu að passa litla bróður og éta súkkulaði. Ég er sko bæði með dökkt og hvítt þannig að þegar ég fæ ógeð á hvítu þá skipti ég bara yfir í dökkt og öfugt. Já þetta er sældarlíf. Æji aumingja börnin í Afríku.

Í gær fékk ég bréf sent heim til mín þar sem mérvar tilkynnt að ég ætti 50 þúsund kall inni á reikning í Spron. Ég er viss um að þetta hefur komið fyrir mig áður þar sem að háar upphæðir birtast uppúr þurru inni á einhverjum mjög svo dularfullum bankareikningum. Ég man ekki eftir að hafa nokkurntímann átt viðskipti við Spron og þess vegna þykir mér þetta meira en lítið vafasamt. En auðvitað kvarta ég ekki. Nú get ég keypt mér enn meira súkkulaði.

2006-01-02T19:05:00.000-08:00

Gleðilegt ár bræður og systur og takk fyrir allt það liðna, sætt og súrt. Nú er ég búin að liggja uppi í rúminu mínu í um það bil þrjá klukkutíma og hefur ekki komið dúr á auga. Ég er búin að hugsa um allt sem að ég gæti mögulega hugsað um, allt frá því hvað ég á að fá mér að borða í morgunmat og til þess hvað í ósköpunum ég á að gera þegar blessaður menntaskólinn er að baki. Já og margt fleira. Síðan varð ég uppiskroppa með hluti til að hugsa um og fór bara að hugsa um sömu hlutina aftur og aftur og þá var ekki seinna vænna en að fara að gera eitthvað annað betra.

Ég var að borða kornfleggs. Held að það séu svona 5 ár síðan ég borðaði svoleiðis síðast og ég varð fyrir vonbrigðum. Mér finnst það ekkert gott lengur. Nú er ég að hlusta á svo ótrúlega fallegt lag. Það er svo fallegt að það er fáránlegt. Það heitir Glow Worms. Ég vildi að ég væri nógu klár til að geta deilt því með ykkur en svo vel bý ég víst ekki.

Nú er bara kominn kveldúlfur í mig... ég vildi að ég gæti sofnað.

2005-12-30T14:34:00.000-08:00

Gjörðu svo vel, hér er sólarlagið þitt

2005-12-28T07:45:00.000-08:00

Nú eru jólin búin og mikið voru þau yndisleg. Það var bara kúrt og kjassast og ég fékk fullt af fallegum gjöfum.

Ég fór á "jólamyndina í ár" (A Little Trip to Heaven) og fannst hún alveg frekar góð en bíómyndaglápsþörf minni og Partý-Hanz eða Steve eins og hann/hún vill sjálf/ur kalla sig var ekki fullnægt og þess vegna kölluðum við í gengið okkar "The Mad Doctors" og smelltum okkur á tvær funheitar. Já mér fannst Monster in Law klárlega standa upp úr og er án efa ein besta mynd sem að ég hef séð! Partý-Hanz þeytti síðan skífum langt fram eftir nóttu og dansinn dunaði eftir því.

Jæja nóg af þessu og bless

2005-12-18T15:15:00.001-08:00

Já halló halló halló ég er hér komin aftur villt og tryllt og í brjáluðu stuði enda ekki að ástæðulausu að ég er kölluð María Stuð!!!

Jæja já margt búið að vera að gerast núna upp á síðkastið enda ekki seinna vænna enda mun hátíð ljóss og friðar ganga í garð ekki seinna en klukkan sex á laugardaginn næsta. Verður þá án efa glatt á hjalla.

Júhú ég var að fá svo skemmtilega upphringingu rétt áðan þar sem að Helena hin fagra tilkynnti mér að ég væri boðin í afmæli klukkan ellefu í fyrramálið til hennar Erlu elsku perlu. Ég fékk að mæta seinna í vinnuna og allt enda verður þetta án efa einn af stórviðburðum ársins.

Nú er ég samt á pínu bömmer því að ég ætlaði að setja svo flotta myndaf Helenu inn á bloggið en ég er svo vitlaus að ég kann það ekki þannig að ég set þetta bara inná myndasíðuna mína enda var ég að fá myndavélina mína aftur eftir langa og stranga bið.

2005-12-18T15:15:00.000-08:00

Enn einn þynnkudagurinn í vinnunni og einkunnaafhending á morgun og jólin eftir viku. Í gær fékk ég fyrsta frídaginn minn í langan tíma sem var gaman og ég hélt upp á hann með því að fara að kaupa jólagjafir. Ég fór í Kringluna með 20 þúsund kall og ætlaði sko að versla fullt af gjöfum. Þegar ég kom heim úr Kringlunni skoðaði ég í pokana mína og var ótrúlega hamingjusöm því að mér hafði tekist að kaupa fyrir allan peninginn. Hins vegar hafði ég ekki keypt eina einustu gjöf handa öðrum en sjálfri mér. Núna þarf ég að treysta á hin hálftímalöngu matarhlé í vinnunni til að kaupa allar jólagjafirnar. Ég er ekki alveg að sjá þetta fyrir mér reddast. Ef ekki þá fá allir bara ást og umhyggju frá mér.. og hver vill það ekki!

2005-12-17T17:08:00.000-08:00

Love is in the air. Og ég og Sigrún og Dæja pæja og Fannsi töff erum hérna í góðum gír og í brjáluðu stuði.. við erum æðisleg. Aretha Franklin blöstuð, hvítvín drukkið og mikið hlegið. Það er uppskrift að góðu kveldi.

Ég fór í a f m æ l i í gær og það var gaman og verður engu logið um það að þar hitti ég og kynntist mjög áhugaverðu og skemmtilegu fólki.. við lékum okkur saman það sem eftir var kvöldins og ég og Tommi vorum eins og Danní Súkkó og Sandí í Grís á dansgólfinu.. áttum svæðið, ójá.

Tommi, Eyrún, María og Haukur eru hér með kosin stuðgrúppa ársins en Dæja, Sigrún, María og Fannsi sækja fast á hæla þeirra.

Bæess

2005-12-13T15:40:00.000-08:00

Vá mér finnst alveg eins og jólin séu búin. Ég er dottin úr öllu jólaskapi og er komin með hálfgert ógeð á öllu magninu sem að fólk getur keypt af jóladóti. Fólk stendur fyrir utan búðina klukkan tvær mínútur í ellefu bankandi á rúðuna og bendandi á úrin sín og hneykslast á að ekki sé búið að opna og um leið og er síðan opnað hlaupa konur á öllum aldri inn og fylla körfuna sína á allskyns jólaglingri og drasli og maður á í fullu fangi með að aðstoða þennan kvennaher. Konur, hafið þið aldrei heyrt um að sofa út eða vera með fjölskyldunni og hafa það kósý? Þurfið þið ekki að mæta í vinnuna eða eitthvað? Ég veit að ef að ég væri ekki að vinna 14 tíma á dag þá væri ég sko ekki í Smáralindinni, allavega ekki klukkan 11 á morgnanna. Ef að ég væri í fríi myndi ég sko alveg vera til í að vera heima og slappa af og jafnvel horfa á O.C. með einhverjum vel völdum (by the way búin að missa af tveimur síðustu þáttum og þeir sem mig þekkja vita að það gerist ekki nema eitthvað mikið sé í gangi). Njóta aðventunnar, borða mandarínur og njóta ásta. Haha. Það væri gaman.

En sei sei nei.. það er ekki um neitt annað að ræða en að vinna ef að maður ætlar að hafa ráð á geðveiki jólanna.

2005-12-08T03:36:00.000-08:00

voða gaman: http://www.crushcalculator.com/content/love/861428583

2005-12-08T02:42:00.000-08:00

Lalala það er svo gaman!!! Var að koma úr þýskuprófi sem að var mitt fyrsta og eina próf og ég er bara ekki frá því að ég hafi rúllað því upp! Nú tekur bara við endalaus gleði og hamingja og vinna og monní honní.

Mikið ofboðslega er mikið í tísku að hætta saman núna. Já ég er ekki frá því en það sé bara komin svona tískubylgja. Mér finnst það allavega alveg freekar heitt!! Kemur sterkt inn í vetur. Fregnum um ótímabær og undarleg sem og auðvitað tímabær og eðlileg sambandsslit rignir inn og greinilegt að æðið er að ná hámarki. Kannski á fólk ekki peninga fyrir jólagjöfum en stoltið leyfir því ekki að viðurkenna það. Þar af leiðandi er auðveldara að losa sig bara frekar við helstu "jólagjafaþyggjara". Er veröldin á leið í hundana? Er lífsgæðakapphlaupið orðið svo mikið hér á okkar blessaða landi að fólk tekur jólagjafir fram yfir ást og umhyggju? Já þegar stórt er spurt er oft fátt um svör. En eitt er víst að eilífðin mun að lokum svipta okkur öllu frelsi og þá tekur aðeins við djúpt svartnættið. Nei djók... smá Jóns Bjarka gír í gangi... ég verð nú að viðurkenna að það er söknuður af honum. Jæja nóg um það.

Ég votta staðföstum áhangendum Man. Utd. samúð mína, litlu grey.

2005-12-04T13:01:00.000-08:00

Hún á afmæli í dag
hún á afmæli í dag
hún á afmæli hún mamma
hún á afmæli í dag!

Hún lengi lifi, húrra, húrra, húrra!!

2005-12-03T12:16:00.000-08:00

Líf mitt snýst um vinnuna þessa dagana. Ég er að vinna í búð í Smáralind og það er svo brjálað að gera að það hefur þurft að loka fyrir innganginn og hleypa inn í hollum!

Í gær fór ég á Salt og Oliver. Ég hef aldrei farið á þessa staði áður og held að ég eigi Evu Dögg það algjörlega að þakka hversu hratt gengur að aðlagast lífstíl hinna margumtöluðu og svokölluðu hnakka. Ég hins vegar skil ekki hvaðan það orð kemur en það er annað mál.

Ég hef annars ekki rassgat í bala að segja.

2005-11-30T07:48:00.000-08:00

Próf og lokaverkefni og allt að vera bandbrjálað. Nú er allt á suðupunkti og ekkert til sparað við að reyna að bjarga sér fyrir horn.

Á morgun klukkan svona níu, hálf tíu verð ég hins vegar hress fyrir utan einhvern stað sem ég er ekki alveg búin að ákveða hver verður en hann mun vera gæddur þeim kosti að selja miða sem mig langar mikið í. Þetta er nefnilega merkilegur miði. Alveg hreint einstakur meira að segja.

Nú er ég að fara að borða mandarínur og síðan að máta leðurjakka sem að ég fæ kannski í jólagjöf.

2005-11-29T07:41:00.000-08:00

Sigur Rós voru í fyrradag og vá ég hef aldrei vitað annað eins. Ég hef aldrei verið jafn tilfinningalega berskjölduð og hrærð. Ég fór sko að gráta þegar fyrsta lagið byrjaði og hélt því síðan áfram með hléum alla tónleikana. Ég bara réð ekki við mig... ótrúlegt!

En í dag voru litlu jólin í ensku og mikið fjör og auðvitað leikir eins og henni Ástu enskukennara einni er lagið. Ég var auðvitað í ham eins og alltaf í þessum blessuðu keppnum og held að ég hafi giskað 3 sinnum alltaf á sama svarið og það var aldrei rétt! Ekki vinsælasta manneskjan á svæðinu...

Heyrðu já! Aðalslúðrið í dag!!! Eins og einhverjir vita þá er Orange County mitt annað heimili og þar er allt að gerast! Seth og Summer bara byrjuð aftur saman! Ó mæ ó mæ hvert er heimurinn að fara... drama, drama og aftur drama... ég bara fæ ekki nóg!

2005-11-28T06:30:00.000-08:00

Í gær var Sigur Rós. Hefði getað skrifað 5 blaðsíðna lýsingu á tilfinningaflóði því sem þeim fylgdi. Mig langar ekki til þess lengur.

Í dag er mér illt í hausnum, maganum, bakinu og hjartanu.

2005-11-25T05:35:00.000-08:00

Hið virðulega Ræðulið Borgarholtskóla Íslands vann í gærkvöldi glæstan sigur á ræðuliði Menntaskólans frá Egilstöðum. Þetta var ákaflega indælt að sjá og heyra og er ég svo sannarlega stoltur Borghyltingur og ótrúlega ánægð með þessa frábæru stráka. Eftir það hélt gleðin áfram og var dansað fram á rauða nótt.

Skemmtilegt að segja frá því að pabbi á afmæli í dag... mikið að gerast hér í Grafarvoginum og endalaus gleði.

2005-11-21T09:39:00.000-08:00

Já það er fallegur dagur í dag, það má nú segja. Það er dimmt þegar maður fer í skólann á morgnanna og síðan þegar maður er loksins búinn þá er aftur orðið dimmt. Endalaus nótt. Jæja það er nú reyndar ekki svo slæmt þegar maður á I-pod eins og ég, liggaliggalái. Þá er fátt betra en að labba úti vel dúðuð, horfa á stjörnurnar og hlusta á Sigur Rós. Mmm... það er lífið.

Sjötugsafmælið sem var í rauninni áttræðisafmæli fór vel. Ég vil þakka Evu Dögg fyrir að gera þetta mun skemmtilegra en von var á, mömmu minni, án þín hefði þetta aldrei verið mögulegt og síðast en ekki síst Helenu. Takk fyrir stuðninginn og hlýleg orð í minn garð. Þú ert frábært!

Um daginn var ég að passa litla bróður minn hann Óskar Tinna. Ég ætla nú alls ekki að kvarta undan því enda er alltaf gaman að vera með honum því að hann er yndislegur. Hins vegar finnst mér full ástæða til að kvarta yfir tilefninu. Ég þurfti sem sagt að passa litla brósa því að mamma mín og Trausti voru að fara á White Stripes en ekki ég. Þetta gerðist líka núna um daginn þegar Franz Ferdinand voru að spila. Ég er að pæla, er það ekki ég sem á að vera á rokktónleikum á meðan foreldrarnir eru heima með barnið, ja mér er spurn. Ég sem hélt að ég væri unglingurinn í fjölskyldunni. Mér finnst þetta ekki vera jákvæð þróun.

Í gær var síðan stór dagur. Þá voru tvö ár síðan ég og hann Steinþór minn Helgi Arnsteinsson Sunde urðum formlega kærustupar. Vúhú! Það var alveg yndislegt og var elduð ofan í mig dýrindismáltíð af Steina eins og honum einum er lagið. Heldur betur dásamlegt kvöld með dásamlegum manni.

2005-11-20T06:53:00.000-08:00

Oj ég er að fara í sjötugsafmæli hjá föðurbróður stjúppabba míns sem að verður örugglega alveg jafn gaman og það hljómar. Sérstaklega þar sem að ég er að drepast úr þynnku eftir að hafa misst kúlið algjörlega í gær. Jæja þá er ég farin í fjörið.

Aloha

2005-11-17T12:17:00.000-08:00

Ef að fólk veit það ekki þá er ég ein af þessum óþolandi manneskjum sem eru með snert af fullkomnunaráráttu í sambandi við íslensku og er alltaf að leiðrétta alla þá sem að mér finnst vera að tala eitthvað vitlaust (þó að ég geri það alveg örugglega oft sjálf). Mér er það alveg ljóst hvað ég er pirrandi þegar ég geri þetta en ég bara get ekki annað því að þegar ég heyri fólk segja eitthvað vitlaust þá hljómar orðið í höfðinu á mér alveg þangað til að ég hef sjálf sagt það eins og það á að vera. Þetta getur verið óþolandi, sérstaklega ef að ég er til dæmis að hlusta á fyrirlestur í skólanum og það er alveg þögn í stofunni. Það hljómar kannski eins og ég sé eitthvað biluð en það aftrar mér ekki í að leiðrétta fólk. Ég einfaldlega verð að endurtaka orðið eða setninguna rétt.

Í gær sá ég forsíðuna á Blaðinu. Þar stóð með litlum stöfum úti í horni að í dag (í gær) væri dagur íslenskrar tungu. Aðalforsíðugreinin var hins vegar um hina frááábæru Silvíu Nótt. Svona í tilefni dagsins var yfirskriftin eitthvað á þessa leið: A STAR IS BORN! og fyrir neðan myndina stóð síðan Allt um ævi og ástir Silvíu Nóttar. Æi. Ég veit ekki alveg. Er ég kannski bara svona ofboðslega gamaldags að láta svona fara í taugarnar á mér?

Jæja þetta var nöldurblogg dagsins.

2005-11-16T03:15:00.000-08:00

Nú er ég, það sem af er deginum, búin að skrópa í tvo tíma í skólanum og er núna á góðri leið með að skrópa í þeim þriðja líka. Þetta finnst mér nú bara heldur vel af sér vikið miðað við það að ég átti bara að mæta í fjóra tíma í dag. Ég held nú samt að ég reyni að bæta upp fyrir þetta með því að brillera í íslenskutíma á eftir og taka síðan duglega á því í leikfimi! Jáhá

Á eftir er ég síðan að fara að leika í minni fyrstu bíómynd! Þetta verður spennutryllir með gamansömu ívafi, undir áhrifum frá austurlenskum bardagamyndum og ekki síðra ævintýri en Jóa og baunagrasinu. Vinnuheiti myndarinnar er Jackie and Lawyer en óvíst er hvað hún mun heita þegar hún kemur á almennan markað. Endilega fylgist vel með þessu meistarastykki.

2005-11-13T15:11:00.000-08:00

Kynþokkafyllsti bassaleikari landsins er samkvæmt öruggum heimildum hin þriggja barna móðir Bíbí en hún er bassaleikarinn í Singapore Sling. Ég vissi þetta nú reyndar ekki en það er gott að vera búin að fá það á hreint samt. Ég hef alltaf staðið í þeirri meiningu að Þröstur í Mínus væri sá allra kynþokkafyllsti. Þrátt fyrir miklar mótbárur þá hef ég staðið hart á þeirri skoðun minni en nú þarf ég víst að játa mig sigraða þar sem að þetta er orðið opinbert.

Markmið mitt nú er að verða kynþokkafyllst á einhverju sviði. Kannski ef ég fer að æfa á óbó get ég orðið kynþokkafyllsti óbóleikari landsins og kannski kemst ég þá á forsíðu Sirkuss og það væri að sjálfsögðu ekki slæmt þar sem að það mikilvægasta í heiminum er að vera fræg.

2005-11-12T09:16:00.000-08:00

Þetta er nú ekkert búið að ganga allt of vel hjá mér en ég held að þetta sé bara allt að koma núna. Blogg mitt getur hér með hafist. Annars vil ég aðallega bara hafa þetta til að setja myndir inn því að ég er orðin svo dugleg að taka svoleiðis á nýju myndavélina mína sem að hann Steini minn var svo yndislegur að gefa mér. ójá já